Kurz: BE shumë e ngadaltë, do prodhojmë vaksina me Izraelin

13:45 | 2 Mars 2021
A. B.

Kancelari austriak, Sebastian Kurz, u bë zëdhënësi sot i vendimit të një sërë vendesh europiane, të pakënaqura për mënyrën se si Bashkimi Europian po menaxhon fushatën e vaksinimit në kontinent.

Edhe pse qasja që kalon fillimisht nga BE-ja sipas tij është e drejtë, vonesat e Agjencisë Evropiane të Barnave (EMA) e bëjnë të domosdoshëm fokusimin në mundësi të tjera. Dhe kjo mundësi lidhet pikërisht me bashkëpunimin e Vjenës dhe jo vetëm me Tel-Avivin.

“Austria, Danimarka dhe vendet e grupit First Mover (Norvegji, Greqi, Çeki, Singapor, Australi dhe Zelanda e Re) në të ardhmen nuk do t’i besojnë BE-së organizimin, por bashkë me Izraelin do të prodhojmë vetë vaksina të gjeneratës së dytë që mbrojnë edhe nga mutacionet”, deklaroi Kurzi para vizitës që kancelari do t’ia bëjë pikërisht në Izrael.

Sipas ekspertëve austriakë, dy të tretat e popullsisë së atij vendi do të vaksinohet një herë në vit kundër pandemisë dhe varianteve të saj më të rrezikshme.

Shpërndaje në rrjete sociale

Lajmet më të lexuara

Të ngjashme

Foto lajm